الـسلام عليكم ..
أتمنى تكونوا جميعا بخير ♡
♡
طبعا هذا أول بوست لي في مجال الـ make up - مره حمااااس- أممممم طبعا راح أتكلم عن كذا فونديشن استخدمته وراح اعطيكم نبذه ومعلومات من تجربتي للمنتج الشخصية ..
طبعا انا اخترت فونديشنز في متناول ايدي الجميع بحيث انها متوفرة وبرضو اسعارها معقوله مو شرط هاي براندز لا شي ناسبني وحبيت أفيد البنات فيه ..
.
.
.
أول فونديشن هو من ماكس فاكتور وطبعا غني عن التعريف ، أستخدامي له للمناسبات العائليه والجمعات لأنه أثنين في واحد كريم ولوس باودر يغنيك عن البودرة ، وتغطية كويسة أو بمعنى أصح متوسطة للبنات اللي ما عندهم مشاكل بالبشرة اللي من الممكن تكون واضحه ومحتاجة تغطية كبيرة ..
.
.
.
ثاني شي هو هذا الشي الجميل اللي فوق ^^ طبعا هذا الشي له أكثر من أستخدام أول شي مخفي للحواجب لول ، طبعا أطبطب منه على الشعر الغير مرغوب فيه من الحاجب وأحط فوقه كومباكت باودر بحيث أنو م يكون لكويد ، وبكذا أقدر أرسم الحاجب في الحالات الطارئة لما ما يكون فيه وقت للتشقير ..
وبرضو أستخدمة لأخفاء أثار الحبوب :)
.
.
.
ثالث حاجة بتكلم عن أساس لانكوم شي خيالي ، صار لي فترة أستخدمة طبعا أستخدامي له في المناسبات الكبيرة زي الزواجات ، تغطيه ممتازة وسهوله في التوزيع ، وإطلاله مشرقة ..
.
.
.
هذا الشي المشهور من غارنييه ، مو محتاج مني أي إضافه لول .. أستخدامي له في الطلعات والمشاوير العادية لأنه واقي ويرطب البشرة وبرضو تغطية لا بأس فيها ..
وبكذا خلصت البوست ، وأتمنى أنكم أستفدتوا منه وأي ملاحظة أو معلومة أرحب فيها برحابة صدر ..
و إذا أستفدتوا ممكن أنزل أشياء أكثر زي العنايه ، التنسيقات ، وحياتي اليوميه لول ..